Муниципальное бюджетное общеобразовательное учреждение "Мюрюнская средняя общеобразовательная школа №1 им. Г. В. Егорова (с углубленным изучением отдельных предметов)"
МЕНЮ
26Фев 2018
Үлэ опытын тарҕатыыга семинар

Г.В. Егоров аатынан Мүрү 1 дээх орто оскуолатын ОБЖ предметын учуутала, СӨ үөрэҕириитин туйгуна, Россия патриота мэтээл кавалера Николай Семенович Андросов биир идэлээхтэригэр үлэ уопутун тарҕатар сыаллаах «Үөрэнээччилэргэ гражданскай, патриотическай тыыны иҥэриигэ ОБЖ учууталын оруола» диэн тиэмэҕэ улуустар икки ардыларынааҕы семинар ыытта. Манна Чурапчы улууһуттан барыта 16 киһи кэлэн кыттыыны ылан, санаа үллэстэн бардылар. Николай Семенович, өр сыллаах киэҥ өрүттээх үлэтэ улууска, өрөспүүбүлүкэҕэ биллэр. Кини үөрэнээччилэрэ предметнай олимпиадаларга, араас күрэхтэһиилэргэ өрүү ситиһиилээхтик кытталлар. «Мүрү» байыаннай – патриотическай кулуупка эбии дьарыктанар оҕолор улуус, өрөспүүбүлүкэ чиэһин Россия таһымнаах күрэхтэһиилэргэ тиийэ үрдүк ситиһиилээхтик көмүскүүллэр. Быйылгы үөрэх сылын саҕаланыытыгар Хаҥалас улууһун Өктөмүгэр ыытыллыбыт IV өрөспүүбүлүкэтээҕи үөрэнээччилэр уонна ыччат сүлүөтүгэр I миэстэни ылбыттара. “Хотугу барс” өрөспүүбүлүкэтээҕи байыаннай – спортивнай оонньуу 2 төгүллээх чемпионнара (2009 с. Нерюнгри к., 2011 с. Амма с.), хас да төгүллээх призердара.

«Аҕа дойду көмүскээччилэрэ»байыаннай – патриотическай оонньуу өрөспүүбүлүкэтээҕи финалын 2 төгүллээх призердара. Маннык үтүө түмүктэр учуутал былааннаах, сыралаах үлэтиттэн тахсаллар.

Улуустар ардыларынааҕы семинар аһыллыытыгар оскуола директора С.С. Бурнашев, үөрэх управлениятын начальнигын солбуйааччы Т.А. Григорьев, Чурапчы улууһун делигациятын салайан илдьэ кэлбит үөрэх управленитын иитэр үлэҕэ отделын сүрүннүүр специалиһа И.М. Лукин эҕэрдэ тыллары эттилэр. Т.А. Григорьев Н.С. Андросовка «385 лет с Россией» анал үбүлүөйнэй бэлиэни туттарда, «Мүрү» БПК оҕолро бэйэлэрин сатабылларын көрдөрбүттэрин семинар кыттаалаахтара бары астына билистилэр. Салгыы Н.С. Андросов маастар – уруогу, 4 учуутал: Өнөр орто оскуолатыттан Ю.Н. Протопопов, Суотту орто оскуолатыттан А.Д. Сыроватскай, Чурапчы улууһуттан Д.П. Коркин аатынан спортивнай интернат оскуолаттан П.Н. Егоров, Одьулуун орто оскуолаттан Н.М. Климов аһаҕас уруоктары ыыттылар. Эбиэттэн киэһээ икки улуус учууталларын хамаандалара волейболга уонна ытыыга күрэхтэстилэр. Волейболга тыҥааһыннаах киирсии кэннэ Чурапчылар, ытыыга Уус – Алданнар кыайыы өрөгөйүн биллилэр. Түмүккэ биир күннээх семинартан үгүһү билэн, уопут атастаһан, салгыы үлэлииргэ кэккэ саҥа санаалаардаах баран эрэбит диэн семинар кыттыылаахтара эттилэр, Николай Семеновичка дириҥ ис хоһоонноох, туһалаах семинары тэрийбитин иһин махталларын биллэрдилэр, инники үлэтигэр ситиһиилэри баҕардылар.

Е.Н. Сыроватская общ. корр.

 

Просмотров: 20 | Добавил: myry1 | Рейтинг: 0.0/0
Всего комментариев: 0
Имя *:
Email *:
Код *:
"Горячие линии"
ЕГЭ: 8(4112)42-10-46
ОГЭ: 8(4112)42-10-48
8(495)984-89-19
Телефоны доверия
8-(4112)-42-10-28
+7 (495) 104-68-38
Вход на сайт
Поиск
Календарь
«  Январь 2018  »
ПнВтСрЧтПтСбВс
1234567
891011121314
15161718192021
22232425262728
293031
Архив записей